Edukira salto egin | Salto egin nabigazioara

Euskaldunok batzen gaituena banatzen gaituena baino garrantzitsuagoa delako.

Atalak
Hemen zaude: Hasiera → Materiala → ATXUTXI ETXIAN → APIRILAK 1
 

APIRILAK 1

A1

 

AEROBIK SAIOA: 

Gaur egunari hasiera on bat emateko, gorputza aktibatuko dugu Aerobik pixkat eginez. Ez al da plan ederra? Egin Klik irudi bakoitzari eta goazen eskeletoa mugitzera!

aero  bik

 

Errezeta: TXOKOLATEZKO TRIKUAK

Bizitzen ari garen egun arraro hauetan etxean disfrutatzeko eta sukaldean gustura aritzeko ziur gaude triku berezi hauek arrakasta itzela izango dutela. Ordubete eta hamar minutu beharko dugu errezeta egiteko, eta beste 25 minutu labean.

 

TRIKUAK

Osagaiak

  • gozogintzako txokolate beltza, 90 gramo

  • txokolatezko fideoak, 150 gramo

  • gurina, 140 gramo

  • almendra hautsa, 30 gramo

  • txokolatezko pralinea, 90 gramo

  • irina, 250 gramo

  • azukre-hautsa, 70 gramo

  • arrautza bat

Urratsak

  • Ontzi batean ondo bigundu gurina. Ondoren, gehitu azukre-hautsa.

  • Gero, almendra hautsa eta arrautza gehitu. Arrautza osorik.

  • Dena ondo nahastuta dagoenean gehitu irina. Oso garrantzitsua da berriz ere ondo nahastea guztia.

  • Lortzen duzun orearekin egin pilota bat eta bildu film paperean. Sartu hozkailuan ordubete pixka bat gogortzeko.

  • Ordubete pasatakoan atera orea hozkailutik eta pilota txikiak eginez eman triku forma. Sudurtxoa da ondo egin behar dena.

  • Sartu denak labean: 25 minutu, 190 gradu.

  • Bitartean urtu txokolate dena Maria bainuan. Trikuak labetik atera eta pixka bat hozterakoan sartu txokolatean sudurtxoa ez den beste alde erdia estaliz. Segidan eta txokolatea gogortu aurretik sartu txokolatezko fideotan eta utzi lehortzen.

  • Pintzel baten laguntzarekin eta trikuen eztenak gogortzen dauden bitartean egin begitxoak eta sudur puntatxoa txokolatearekin.

 

Eskulana: GURE PUZZLEA

 
Hurrengo proposamena, puzzle bat sortzea da. Horretarako lehenik eta behin, orri zuri batean marrazki bat egin beharko dugu. Saiatu zaitez orri osoa koloreztatzen, bestela gero zailtasunak izango ditugu puzzlea osatzerako orduan.

TRIKUAK

Marrazkia prest daukagunean, kartulina edo beste orri batean itsatsiko dugu gogortasun pizkat emateko irudiari eta ataraiozu argazki bat mugikorrarekin. Puzzlea muntatu behar dugunean, honek lagunduko baitugu puzzlea egiten.

Bukatzeko, artaziekin, nahi beste piezatan eta nahi dugun formarekin zatituko dugu marrazkia.

guraize puz edo zle

Gomendioa: Saiatu pieza oso txikiak ez egiten eta piezak ez galtzeko, sobretxo bat ere egingo dugu hauek gordetzeko.
 

Elkarbanatu gurekin zuen artelanen argazkiak edo idatzi proposamen berriekin: atxutxiamaika@elgoibarkoizarra.eus -era edo whatsapp bidez 688751908 ra bidalita. EKIN ATXUTXIREKIN!