Oporrak hartuko ditugu gaur!
Elgoibarko Izarrako bazkide profesionalok oporrak hartuko ditugu gaur. Eguerdira arte lanean jardun ondoren, langile-batzarra izango dugu arratsaldean, eta batzarraren ondoren elkarteko ateak itxiko ditugu urtarrilaren 7ra arte.
Elkarteko ateak itxita egongo dira, bai, baina langile batzuek lana egingo dute Eguberrietan. Atxutxiamaikako langileek eta hezitzaileek, adibidez, herriko txiki eta gazteekin buru-belarri jardungo dute lanean, eta BARRENeko lankideei ere ez zaie lanik faltako egonotako notiziak jasotzen eta josten.
Hurrengo zitak: abenduaren 24an eta 26an
Oporrak hartuko baditugu ere, ez gara urrutira joango, eta abenduaren 24an Kalegoen plazan bilduko gara denok, lanera etorriko diren beste 53 bazkide eta herritarrekin batera, Olentzerori eta Mari Domingiri ongi-etorria egiteko. Elgoibarko Izarraren aldeko tonbola ere izango dugu, eta baita jan-edanerako aukera zabala ere. Gonbidatuta zaudete denok, eguraldia ere lagun izango dugu-eta!
Amaitzeko, gogoratu abenduaren 26an ere beste zita bat daukagula. Eguberrietako bertso-saioa izango dugu egun horretan. Sarrera guztiak saldu ditugu, eta ez da girorik faltako Herriko Antzokian.
