Jaietako Umeen Eguna diseinatzeko umeen iritzia jaso nahi dugu
2024/03/25
Atxutxiamaikak, udalarekin elkarlanean, San Bartolome jaietako umeen eguneko zenbait jarduera antolatuko ditu eta umeen iritzia jaso nahi dugu horretarako.
Martxoan hasi dugu Umeen Eguna umeekin batera diseinatzeko parte-hartze prozesua eta Udal Ludotekarekin elkarlanean egindako bileretan 90 ume inguruk hartu dute parte. Hala ere, ume gehiagoren iritzia jaso nahi dugu, euren intereseko egitaraua diseinatzeko helburuarekin. Horretarako, umeek betetzeko galdetegi bat sortu dugu.
