Egin TTap! online lehiaketaren bigarren edizioan izena emateko epea zabalik dago
Atxutxiamaika Sailak, Aretxabaletako Loratu elkarteak eta Kukulaisi Aisialdirako Topaguneak elkarlanean, online jokatzeko Egin Ttap! lehiaketa antolatu dugu bigarren urtez. Azaroaren 22tik 28ra iraungo du, eta gai desberdinei buruzko zazpi galdera erantzun beharko dira, taldeka.
Egin TTap! lehiaketaren bigarren edizioa izango da aurtengoa eta azaroaren 22tik 28ra egongo da online bidezko lehiaketa honetan parte hartzeko aukera. Zazpi egun iraungo ditu lehiaketak, eta egun bakoitzean zazpi galdera erantzun beharko dituzte partaideek, taldeka. Galderak askotarikoak izango dira: kultura, natura, musikagintza, geografia… Quizz dibertigarria sortu dute, eta helburua da euskaraz ondo pasatzeko tartetxo bat sortzea.
Parte hartzeko 2-5 pertsonako taldeak sortu beharko dira, umez zein helduz osatutakoak. Umeak LH4tik LH6ra artekoak izan behar dira, eta talde bakoitzean heldu bat egon beharko da gutxienez. Informazio gehiago, eginttap.eus helbidean.
Puntu gehien lortu dituzten lehen 10 taldeekin aurrez aurreko final handia egingo da Durangoko Azokan, abenduaren 6an, hain zuzen ere. Elgoibartar parte-hartzaileen kasuan, puntuazio altuena duen taldea zuzenean pasako da finalera.
Sorpresak eta sariak egongo dira. Izen emate epea zabalik egongo da azaroaren 20ra arte. Hemen esteka: KLIK
Lehiaketa hau Elgoibarko udalarekin lankidetzan garatzen da
