Bertso saio literarioa izango dugu abenduaren 29an
Aurten dena diferentea da eta urte amaierako bertso-jaialdia ere ezberdina izango da. Ohiko formatua alde batera laga eta bertso saio literarioa antolatzea pentsatu dugu.
Dendaostetik da bertso saioari jarri diogun izenburua, eta hiru osagai nagusi izango ditu: bertsoak, literatura eta musika.
Osagaiak horiek badira, honako hauek izango dira oholtza gainean izango ditugun protagonistak:
- Bertsolariak: Nerea Ibartzabal, Miren Amuriza eta Unai Iturriaga
- Idazlea: Uxue Alberdi
- Musikaria: Aitor Nova
Eguna: abenduak 29, asteartea
Ordua: 19:00
Tokia: Herriko Antzokia
SARRERAK Elgoibarko Izarra Euskaltzaleon Topagunean erosi behar dira. Aita Agirre kulturgunean gaude, 3. pisuan, eta abenduaren 9tik aurrera egongo dira salgai sarrerak. Prezioa 11 € izango da (10 € Elgoibarko Izarrako bazkideek) eta kontuan izan Herriko Antzokiko aforoa mugatuta dagoela (180 lagun). Elkarteko telefonora (943 74 16 26) deituta edota elgoibarkoizarra@elgoibarkoizarra.eus e-postara idatzita ere erretserba daitezke sarrerak.
Antolatzailea: ELGOIBARKO IZARRA Euskaltzaleon Topagunea
Babeslea: Elgoibarko UDALA.
Laguntzaileak: Gipuzkoako Foru Aldundia eta Eusko Jaurlaritza
