RSS jarioaAlbisteak
Bertan behera geratu da erromeria
Inazio Bereziartua musika eta dantza eskolak, Udal ludotekak eta Atxutxiamaikak elkarlanean "erromeria familian" ekimena antolatu dugu maiatzaren 12an, barixakua. Azkue auzoko zelaian egingo da eta euria eginez gero, bertan behera geratuko da.
0-5 urte bitartekoentzako "jolasa kalera barixakuetan" egitasmoa
Elgoibarko Udalak antolatzen duen "jolasa kalera barixakuetan" ekimena kudeatzen du Atxutxiamaikak. 0-5 urte bitartekoentzako jolas libreko espazioak diseinatu ditugu eta material ezberdinak jarriko ditugu euren eskura.
Aldenik Alden egitasmoaren maiatzeko eskaintza
Bi egun-pasa antolatu ditugu LH4-6 bitarteko umeentzat. Bata, abenturaz betetako eguna Mendexa Park Abentura Parkean, eta, bestea, Zarautzen, probaz proba eta taldeka egingo den Harrapatu Bandera! rol-jokoa.
HITZALDIA: Orreagako bataila (778)
Biharko hitzaldiarekin amaituko da Goi erdi aroa: Erromaren gainbeheratik Iruñeko erresumaren sorrerara. Mende ilunak argitzen zikloa. Aita Agirre kulturguneko areto nagusian izango da, arratsaldeko 19:00etan hasita.
HITZALDIA: “Akitania-Baskonia eta franko karolingioen erresuma aurrez aurre”.
Goi erdi aroa: Erromaren gainbeheratik Iruñeko erresumaren sorrerara. Mende ilunak argitzen zikloaren bigarren hitzaldia izango dugu bihar, osteguna. Aita Agirre kulturgunean izango da, arratsaldeko 19:00etan hasita.
Asteartean zabalduko da udako eskaintzan izena emateko epea
Atxutxiamaikak eta Udal Ludotekak HH2tik LH6ra arteko umeentzako udako oporraldia antolatu du, eta asteartean zabalduko da izena emateko epea. Apirilaren 25etik maiatzaren 7ra arte eman ahalko da izena, eta maiatzaren 20an esleituko dira plazak, behar den kasuetan zozketa eginez.
Bihar, asteazkena, jarriko dugu martxan Goi Erdi Aroari eskainitako hitzaldi-zikloa
Erromaren gainbeheratik Iruñeako erresumaren sorrerara. Mende ilunak argitzen. Hori da hitzaldi-zikloari jarri diogun izenburua. Hiru hitzaldi antolatu ditugu eta Aita Agirre kulturgunean izango dira.
Elgoibarko Izarrak aisialdiko koordinatzailea behar du
Elgoibarko Izarraren Atxutxiamaika Sailean jarduteko koordinatzailea behar da. Interesdunek maiatzaren 31ra arte dute izena emateko aukera.
GAUEKO TXIMELETAK ETA ANFIBIOAK EZAGUTZEKO IRTEERA
Morkaiko Mendizale Elkarteak, Atxutxiamaikak eta Elgoibarko Baso Biziak elkarteak elkarlanean antolatutako "Gure natura ezagutzen" programaren baitan, irteera berria antolatu dugu apirilaren 21ean.
Udaldirako hezitzaileak behar ditugu
Elgoibarko Izarra Euskaltzaleon Topagunea elkarteak udaldiko eskaintzan lan egiteko hezitzaileak behar ditu. Apirilaren 16ra arte egongo da izena emateko aukera.
"Cultura vasca vs Euskal kultura: posible da euskal kultura erdaraz?"
Hori izango da Ibai Iztuetak emango duen hitzaldiaren izenburua. Martxoaren 30ean izango da, Aita Agirre kulturguneko areto nagusian, arratsaldeko 19:00etan hasita.
Jon Sarasua izango da Zergatik eta zertarako euskaldun? ekimeneko lehen gonbidatua
“Herrigintzaren behelainotik” izango da gaur, martxoak 23, Sarasuak emango duen hitzaldiaren izenburua. Kultur Etxeko hitzaldi gelan, arratsaldeko 19:00etan hasita.
Zergatik eta zertarako euskaldun? ekimena martxan jartzera goaz
Pentsamendua eta jakintza lantzeko ekimen berri batekin gatoz. Elgoibartarrok norbanako eta komunitate moduan ahalduntzea da helburua, eta aurten bi lagun gonbidatuko ditugu gurera: Jon Sarasua eta Ibai Iztueta.
Txori habiak jartzeko eta hegaztiak ezagutzeko irteera
Morkaiko Mendizale elkarteak, Elgoibarko Baso Biziak elkarteak eta Atxutxiamaikak elkarlanean antolatutako "Gure natura ezagutzen" programaren baitan, irteera antolatu dugu martxoaren 25ean. Asier Sarasuak hegaztien inguruko azalpenak emango ditu eta ibilbidean zehar txori habiak ere jarriko ditugu.
Udaberriko eskaintza prest dugu
Udal Ludotekak eta Atxutxiamaikak elkarlanean antolatzen dugun udaberriko oporraldia prest dugu jada eta astelehenean zabalduko dugu izena emateko aukera.
Gure natura ezagutzeko programa osatu dugu
Elgoibarko Baso Biziak elkarteak, Morkaiko Mendizaleen elkarteak eta Elgoibarko Izarraren Atxutxiamaika Sailak beste zenbait herritarrekin batera urteko programa honetan bat egin dugu elgoibartarren artean naturarekiko zaletasuna sustatu eta Elgoibarko nahiz inguruetako natura-ezagutza areagotzeko helburuarekin.
Ramadanari buruzko hitzaldia
Auzoko Familiak egitasmoan parte hartzen dugun eragile eta familiok datorren martxoaren 11n Ramadanari buruzko solasaldia eta mokadutxoa antolatu dugu. Topaketa 12:00etan hasiko da Aita Agirre kulturgunean, eta 14:00ak arte luzatuko da.
Aldenik Alden programaren martxoko eskaintza
Bi egun-pasa antolatu ditugu LH4-6 bitarteko umeentzat. Bata, abenturaz betetako eguna Idotorbe auzoan eta bestea, herrian bertan, probaz proba jolasa amaituko ote duten erronka suposatuko dien Pista! jolasa.
60 lagunetik gora, aurtengo Santa Ageda koruetan
Inoiz baino jende gehiago bilduko gara aurten. Otsailaren 4a larunbatarekin batera datorrela aprobetxatuta, 60 lagunetik gora jardungo dugu baserriz baserri kantuan eta eskean.
Inauterietako programa antolatu dugu
Elgoibarko Udalak eta Elgoibarko Izarrak inauterietako programa prestatu dugu ume, gazte eta helduentzat. Otsailaren 10ean izango da, eta 17:30ean hasi eta goizeko 02:00ak arteko egitarau antolatu dugu.
