RSS jarioaAlbisteak
Ostiralean itzuliko da Kiribil
Ostiralean, hilaren 20an, itzuliko da Kiribil plazara. Beti bezala, 17:30ean agertuko da Kiribil Kalegoen plazara uda oporretan pasa ondoren. Musikarekin jolas egiteko asmotan datorrela esan digu.
Datorren ostiralean "Ez gara Palestinaz ari" ikuskizuna Herriko Antzokian
Bertsoak, antzerkia, musika eta poesia uztartzen dituen ikuskizuna antolatu du Beinke bertso-eskolak datorren ostiralerako. 20:30ean hasiko da saioa, Herriko Antzokian.
Bertso-eskolan izena emateko epea zabaldu dugu
Aste honetan hasi eta irailaren 25an bukatuko da bertso-eskolan izena emateko epea.
1.537 da Elgoibarko Izarraren rifako zenbaki saritua
Txiki Eguneko bazkarian egin behar zen rifen zozketa gaur goizean egin dugu bulegoan, eta 1.537 zenbakiaren rifa-jabeari egokitu zaio Sigma jatetxeko afariaren saria.
Bukatu dira Atxutxiren udalekuak!
Penaz bukatu dituzte udalekuak Atxutxiko ume, guraso eta hezitzaileek, baina pozik, hilabetea ezin hobeto joan delako. Mikel Etxanizek eta Naiara Martinek udalekuen balorazio azkar bat egin digute bideo motz honetan. Urriaren 3tik 6ra izango da udalekuen erakusketa, Kultur Etxeko erakusketa gelan.
TopaEguna ospatuko dugu Soraluzen irailaren 28an
Euskara elkarteen mugimenduaren eguna antolatu dugu irailaren 28rako, Soraluzen. Egun osoko egitaraua prestatu dugu euskaltzaleak batu, elkar ezagutu eta elkarrekin topa egiteko.
Ainara Argoitia BARRENeko kazetariak jaso du Epaimahaiaren Sari Berezia Rikardo Arregi sarietan
Ainara Argoitia BARRENeko kazetariak jaso du Rikardo Arregi sarietako Epaimahairen Sari Berezia. Kazetari moduan egindako lanarengatik jaso du aipamena, bereziki 'Txillarre' eta 'Gerra elgoibartarren ahotan' lanengatik.
Gaur zabaldu da Txiki Eguneko bazkariko izen-ematea
Gaur hasi eta uztailaren 19a bitartean eman ahalko duzue izena Txiki Egunerako antolatzen dugun bazkarian bazkaldu ahal izateko. Aurten ere Sigmako aterpean bazkalduko dugu Mauxitxa txarangaren kalejira bukatu ostean.
Ostiralean Kiribil etorriko da berriro
Datorren ostiralean, ekainaren 14an, berriz ere Kiribilekin jolasteko aukera izango dugu. Kalegoen plazara etorriko da, gehienetan egin ohi duen moduan. Euskal jaietan murgiltzeko asmotan omen dator.
Atxutxi-karaokea prest!
Eguzkia atera da, azkenean, uda datorren seinale. Eta udararekin batera, udalekuak! Atxutxiamaikaren kantuaren karaoke-bertsioa prestatu dugu kantaren letra oraindik buruz ez dakienak ikasi dezan.
Primerako Mintza Eguna!
Zapatuan Mintza Eguna ospatu genuen Elgoibarren. Urtero ospatzen da mintzalagunen eguna, eta aurten elkarteak 50 urte bete dituela-eta, gurera etorri dira mintzalagunak. Primerakoa izan zen eguna.
Euskaraz ez dakiten gurasoentzako kafe-tertulia antolatu dugu
Euskaraz ez dakiten gurasoek euren umeei eskolako lanetan lagundu ahal izateko kafe-tertulia antolatu dugu Berbazulo eta Ludotekaren artean. Gaztelaniaz izango da. Ekainaren 4an izango da hitzaldia.
Uztailerako eskaintza berria prestatu du Atxutxiamaikak LH3-6koentzat
Udaleku itxiak antolatu zituen Atxutxiamaikak LH3-6ko umeentzako baina hainbat arrazoi tarteko bertan behera geratu dira udalekuak. Horregatik, Atxutxiamaikak goiz eta arratsalde-pasak eta pare bat eguneko egonaldi motzak antolatu ditu.
50. urteurren-ekitaldia ikusgai
Martxoaren 15ean egin genuen 50. urteurrenaren ekitaldi nagusia eta Herriko Antzokian gertatutakoa dagoeneko ikusgai daukagu sarean. Ekitaldiko momenturik politenak zatika ikusteko aukera dago.
Elgoibarren ospatuko da Euskal Herriko mintzalagunen eguna
Mintzalagun programako partehartzaileek urtero izan ohi dute euren eguna, Mintza Eguna. Aurten, gure elkarteak 50 urte betetzen dituela aprobetxatuta Elgoibarren batuko dira mintzalagun guztiak. Ekainaren 1ean izango da hori, eta egun osoko programazioa prestatu dugu. Dagoeneko salgai daude bazkariko tiketak.
Badator Kiribilen uda bitarteko eskaintza berria
Maiatzaren 3an hasi eta ekainaren 14ra arteko egitarau potoloa antolatu dugu Kiribilka programaren baitan. Berriz ere plazara itzuliko da Kiribil, baina horrez gain gurasoentzako ikastaro bat eta familia-irteera bat ere antolatu dugu.
Maskaradak ikustera goaz
50. urteurrena dela eta Haritz dantza taldearekin batera Xiberuara irteera antolatu dugu Maskaradak ikustera. Apirilaren 28an izango da irteera.
Badator Atxutxiamaikaren udako izen-ematea
Bihar (apirilaren 10ean) hasiko dira udako izen-emateak Elgoibarko Izarrako bazkideentzat, eta apirilaren 15ean gainerako herritarrentzat. Eskaintza zabala antolatu du Atxutxiamaikak udarako.
Goazen sagardotegira elkarrekin!
Sagardotegira irteera antolatu dugu apirilaren 13rako. 50. urteurrena ospatzeko baliatuko dugu irteera hau ere, eta beraz, bazkide eta herritarrak gonbidatu nahi ditugu.
Elgoibarko Izarra KORRIKA!
Eguaztenean heldu zen KORRIKA Elgoibarrera, eta 50. urteurrena dela eta, Sabin Osorok (elkarteko sortzaileetako bat) eta Mila Oiartzabalek (lehen etapako lehendakarietako bat) hartu zuten testigua elkarteko bazkideon izenean.
