RSS jarioaAlbisteak
Zabalik dago iraileko txokoetan izena emateko epea
Txokoak lau egunetan izango dira: irailak 1, 2, 5 eta 6. Izena emateko epea ekainaren 1etik 10era arte izango da.
Ludotekaren VII. Aste Nagusia
Elgoibarko Udal Ludotekako VII. ASTE NAGUSIAren atzera kontua hasi da. Urtero legez, ekintzez beteriko astea prestatu dute, eta haurrek zein familikoek aukera izango dute parte hartzeko iragarritako ekintzetan.
183.000 euroko diru-laguntza emango digu Udalak, 2016rako
Aste honetan sinatu dugu Udalak eta Elgoibarko Izarrak aurtengo hainbat proiektu eta ekimen finantzatzeko dirulaguntza-hitzarmena. Euskara sailak 123.000 euro emango dizkigu; beste 60.000 euroak, berriz, Haur eta Gazteen Sustapenerako sailetik jasoko ditugu.
Familia Eguna eta Hondarribira asteburu pasa
Atxutxiamaikaren Kiribilduz egitasmoak familiengan eragin eta gurasoei zein umeei euskara erabiltzeko espazioak eskaini nahi dizkie. Maiatzaren 29rako, Familia Eguna antolatu dugu Idotorben, Ludotekarekin batera. Ekainaren 11n eta 12an, berriz, asteburu pasa joango gara Hondarribiko aterpetxera.
Txoko osagarrietan izena emateko epea zabalik
Atxutxiamaika eta Ludotekaren udaldiko eskaintza bateratuaren osagarri gisa, Elgoibarko Izarrak, txokoak eskainiko ditu ekainaren 22tik 24ra eta uztailaren 26tik 29ra bitartean.
EKOGUNEra familia irteera.
Ekogunera (Donostia) familia irteera antolatu du Atxutxiamaikaren Kiribilduz egitasmoak. Bertan, naturarekin jolasteko eta ikasteko aukera izango dute txikiek eta euren gurasoek. Goizean, bisita gidatua (umeekin ginkana) egingo dugu eta bazkalostean haur parkera sartzeko eta baratza ekologikoen inguruko tailerra egiteko aukera izango dugu.
Itxura hartzen ari da Elgoibarko Izarraren ziklo berria
Apirilaren 18an izan zen Elgoibarko Izarrako Bazkideen Urteko Batzar Orokorra. 25 bazkideren aurrean, 2015ean elkarteak egindakoaren errepaso-balorazioa eta 2016ko helburua nagusiak azaldu zituzten Zuzendaritza Batzordeko kideek. Badihardugu, poliki-poliki, 2014an ekin genion ziklo berriko erronkak eta helburuak lantzen.
Berrikasi eta berrikusi dokumentua aurkeztuko da Elgoibarren, apirilaren 25ean
Euskalgintzaren azken mende erdiaren errepasoa eta irakurketa egingo dute Kike Amonarrizkek eta Iker Martinez de Lagosek. Etorkizunerako lan-ildoak ere proposatuko dituzte, antolatu dugun hitzaldi-tailerrean.
Bisita gidatua eta gazta-dastatzea, Mausitxa baserrian
Morkaiko Mendizale Elkartearekin elkarlanean, Mausitxa baserria bisitatzeko irteera prestatu dugu. Apirilaren 23an izango da irteera, eta oinez joango gara.
Apirilaren 18an, astelehena, izango da Elgoibarko Izarrako Bazkideen Batzar Orokorra
Bi atal nagusi izango ditu aurtengo Batzar Orokorrak. Lehen atalean, elkarteak 2015ean egindakoaren errepaso-balorazioa azalduko du Zuzendaritza Batzordeak. Bigarrenean, berriz, 2016ko helburuak, lan-plana eta aurrekonturen berri emango du. Kultur Etxeko hitzaldi-gelan izango da batzarra, arratsaldeko 19:00etan.
Haurrentzako udaldiko eskaintza
Udaberriko oporraldiaren ostean, udako oporraldiaren esperoan daude asko. Itxaronaldia luze egin dakieke, akaso, baina espero baino lehen etorriko da. Atxutxiamaikak eta Ludotekak udaldiko eskaintza prest dugu jada, eta apirilaren 4an ekingo diogu izen emateari.
IrriSarri Land-era irteera 9-12 urte bitartekoentzat
Atxutxiamaikaren Aisia egitasmoak eta Elgoibarko ludotekak IrriSarri Land Abentura Parkera irteera antolatu dute 9-12 urte bitarteko umeentzat.
Lan-deialdia
Elgoibarko Izarrak gaztelekurako hezitzailea behar du ordezkapen bat egiteko. Curriculumak aurkezteko epea: martxoak 7, astelehena.
Buruarinak familian egiteko tailerra
Familiaren hizkuntza transmisioa lantzeko helburuarekin buruarinak egiteko tailerra antolatu du Atxutxiamaikaren Kiribilduz egitasmoak HH4-LH2 adin tarteko umeentzako eta euren gurasoentzako.
Udaberriko txokoetan eta Zarautzeko egonaldian izena emateko epea zabalik dago
Martxoaren 4ra arte izango da 2 eta 12 urte bitarteko umeentzako Atxutxiamaikaren eskaintzan izena emateko aukera; txikienentzako txokoak, eta Zarautzen lau egunetako egonaldia handienentzako.
Gurasoak mingainak dantzan jarri nahi ditugu
Euskara ikasten ari bazara eta zure seme-alabekin euskaraz gehiago berba egin nahi baduzu, edo egoera horretan dauden beste guraso batzuei lagundu nahi badiezu, zuen intereseko ekimen baten berri eman nahi dizugu. Atseginez aurkeztu nahi dizugu Elgoibarko ikastentxeetako gurasoei zuzendutako ekimen bat; gurasoentzako TERTULIAK programa hain zuzen ere.
"Bagara nor" hitzaldia eskainiko du Lorea Agirrek otsailaren 24an
Korrika ekimenaren azken edizioaren amaieran irakurri zuen testuarekin zer esan nahi duen azalduko digu kazetari eta antropologo beasaindarrak.
Sukaldaritza tailerra familian
Familiaren hizkuntza transmisioa lantzeko helburuarekin sukaldaritza ikastaroa antolatu du Atxutxiamaikaren Kiribilduz egitasmoak HH4-LH2 adin tarteko umeentzako eta euren gurasoentzako.
'Haizea dator Iparraldetik!' ekimenaren bideoa
Udazkenean Iparraldetik gurean jo zuen haizea poliki-poliki indarra galtzen joan bada ere, oraindik gure akorduan daude orduko irudi eta sentsazio asko eta asko. Eta, gainera, betiko gorde nahi ditugu guretzat. Horregatik prestatu dugu Haizea dator Iparraldetik! laburpen bideoa. Eire Vilak grabatu eta egin du bideoa, eta hamabost minutuko iraupena du.
