RSS jarioaAlbisteak
Datorren astean oporrak hartuko ditugu!
Datorren asteko martitzenean (uztailak 30) itxiko ditugu Elgoibarko Izarraren bulegoko ateak eta pertsianak. Hilabeteko oporrak hartuko ditugu eta irailaren 2an bueltatuko gara lanera. Gozatu abuztuan, oporrak izan edo ez.
Euskara ala ezkara mundu digitalean?
Mundu digitalean zentratuko gara aurtengo Euskara ala ezkara zikloan. Euskarak mundu digitalean duen presentzia eta eragina aztertzeko prestatu dugu egun osoko jardunaldia. Urriaren 5ean izango da, IMH ikastetxean.
ERRAIAK dokumentala, TERTULIAK programaren ikasturte amaierarako
Irrintzien gaineko dokumentala da. Irrintzia kobazuloetatik datorkigun oihua da. Entzun, sentitu eta kantatu egiten duguna. Hitzik gabeko hizkuntza. Erraietatik ateratzen zaiguna. Ekainaren 19an (asteazkena) emango dugu, 19:00etan hasita, Kultur Etxeko hitzaldi-gelan.
Gaurtik aurrera jaso daitezke Elgoibarko I. Koplaldirako gonbidapen-txartelak
Ekainaren 7an izango den Elgoibarko I. Koplaldirako sarrera doan izango da, baina eserlekua gordetzeko gonbidapen-txartela jasotzeko aukera izango da gaurtik aurrera. Elgoibarko Izarrak Ubitarten duen bulegoan jaso behar dira txartelak.
Gurean euskaraz, merkataritzan eta ostalaritzan euskara gehiago erabiltzeko
Elgoibarko Izarra Euskaltzaleon Topaguneak eta Elgoibarko Udalak gure herriko merkataritzan eta ostalaritzan euskararen erabilera areagotzeko kanpaina jarriko dugu martxan.
Elgoibarko I. Koplaldia, ekainaren 7an
Bi aurkezle, 10 bertsolari, 4 musikari eta bolatokia bete bertsozale. Hori da lortu nahi dugun kuadroa. Kanporaketa sistema izango du koplaldiak, irabazle batekin, baina jai giroa nagusitzea da antolatzaileon helburua. Bolatokian izango da, 21:30ean hasita.
Biba Hasier! zikloko bi elkarrizketak bildu ditugu
Mikel Zalbide eta Xamar izan dira aurtengo Biba Hasier! zikloko gonbidatuak. Euskara batuaren gainean jardun zuen Zalbidek, eta frankismoan sortu, hazi eta hezitako belaunaldi baten istorioa kontatzen du bigarrenak Etxera bidean liburuan. Biei egindako elkarrizketak bildu ditugu.
2018 eta 2014 bitartean jaiotako umeentzako SOTOTK
Apirilaren 23an eta 24an SOTOTK zerbitzua eskainiko dugu Atxutxiamaikak eta Udal Ludotekak. Material ezberdinekin jolas librean aritzeko aukera izango dute adin tarte honetako umeek Kultur Etxeko Sotoan.
"Artea familian" tailerrean parte hartzeko izen emate epea zabalik dago
Egur Arte Tailerrak eta Elgoibarko Izarraren Kiribilduz egitasmoak elkarlanean "artea familian" tailerra antolatu dugu maiatzaren 5ean eta 12an HH5-LH2 bitarteko umeentzat eta hauen gurasoentzat. Guraso eta seme-alaben artean eta familia ezberdinen artean euskararen erabilera sustatzea eta sormena lantzea izango dute helburu tailerrek.
Goazen Korrika egitera!
Aurreko edizio guztietan egin dugun moduan, oraingoan ere Korrika egingo du Elgoibarko Izarrak. Melitongo zubiaren alboan dagoen aparkalekuan hartuko dugu lekukoa, eta goizeko 7:15ean bilduko gara bertan. Gonbidatuta zaudete bazkide guztiok Elgoibarko Izarrarekin Korrika egitera!
Zer eragin izan zuen gure antolaketa sozio-politikoan Erromaren etorrerak?
Jokin Lanz historialaria eta EHU-ko irakaslea izango da Erroma Euskal Herrian hitzaldi-zikloaren bigarren gonbidatua. Erromaren etorrerak gurera ekarri zuen aldaketa izugarriaren berri emango digu Lanzek.
Apirilaren 8tik 14ra izango da Atxutxiamaikaren eta Ludotekaren udako eskaintzan izena emateko epea
Udako oporraldia gerturatzen ari dela-eta, Elgoibarko Izarra Euskaltzaleon Topaguneko Atxutxiamaikak eta Udal Ludotekak haurrentzako eskaintza zabala antolatu dugu elkarlanean. Ekainaren 24tik uztailaren 19ra bitartean izango da eta adin tarte bakoitzari egokitutako eskaintza berezitua prestatu dugu.
Xamarri elkarrizketa, etxerako bidea zergatik eta zelan egin zuen jakiteko
1980. urtean ekin zion Xamarrek (Garralda, 1956) bere etxerako bideari. Amatxiri euskaraz egin eta honek “pero ...¿por que hablas así, mi chico?” erantzun zionean.
HH5-LH3 bitartekoentzako Udaberriko eskaintza
HH5-LH3 bitarteko haurrentzako udaberriko eskaintza luzatzea eta zabaltzea erabaki dugu. Arratsalde-pasa bat, egun-pasa bat eta Master Chef saio bat, hain zuzen ere. Apirilaren 5era arteko epea izango dute interesatuek izena emateko.
Euskara batua: Zer lortu dugu? Zein dira erronkak?
Euskara batuaren lorpenak eta erronkak aztertuko dituzte Mikel Zalbidek eta Andres Alberdik, Biba Hasier! ekimenaren baitan antolatu dugun lehen hitzaldi-elkarrizketan.
Udaldirako hezitzaileak behar ditugu
Udaldiko eskaintzan lan egiteko hezitzaileak behar ditu Elgoibarko Izarrak. Gaurtik apirilaren 9ra bitartean zabalduko da lan poltsan izena emateko aukera.
Zapatuan izango da Udaberri Festa
11:30etatik aurrera udaberriz jantziko da Kalegoen Plaza Atxutxiamaikak antolatutako Udaberri Festarekin. Bertan, 2-8 urte bitarteko umeek jarduera ezberdinak egiteko aukera izango dute.
Bi hitzaldi Hasier Etxeberria zenaren oroimenez
Aurten ere Biba Hasier! ekimena antolatuko dugu. Bigarren edizioa izango da. Hasier Etxeberria idazle eta euskaltzale elgoibartarraren oroimenez, elgoibartarron euskaltasuna sustatzeko helburuarekin.
"Askatasunean hazi, hezi eta bizi", askatasunaren pedagogian oinarritutako ikastaroan izena emateko aukera zabalik
Askatasuna zalantzan jarri ezin den printzipioa da eta umeek ere askatasun hori merezi dute, hau da, ez dute inoren zuzendaritzarik behar, are gehiago, zuzendaritza baten beharra suposatzeak oinarrian duen gako filosofiko-existentziala kuestionatu behar dugu; ez garela gure bizitza gidatzeko gai.
