RSS jarioaAlbisteak
Zabalik dago TERTULIAK programan izena emateko epea
Euskaraz berba egiteko erraztasuna lortu nahi dutenei zuzendutako programa da Tertuliak, eta dagoeneko zabalik dago 2022-2023 ikasturtean izena emateko epea.
Joxe Azurmendi: Herria, hizkuntza, kultura
Haritz Azurmendik eta Lorea Agirrek jardungo dute elkarrizketan Joxe Azurmendi filosofoaren gainean. Irailaren 28an izango da, Aita Agirre kulturguneko areto nagusian.
Felix Etxeberria Parapan hil da, Elgoibarko Izarrako sortzaileetako bat
Herenegun hil zen Felix Etxeberria Parapan, 95 urte zituela, eta haren aldeko elizkizuna gaur, astelehena, izango da San Bartolome parrokian, 19:00etan.
Larunbat honetan izango da Euskara ala Ezkara Kirolean? jardunaldia
80 lagun inguru bilduko gara IMH Campusean eta oraindik badago izena emateko aukera.
Gaur oporrak hartuko ditugu!
Gaur, ostirala, itxiko ditugu Elgoibarko Izarraren bulegoko ateak. Hilabeteko oporrak hartuko ditugu eta irailaren 1ean bueltatuko gara lanera. Gozatu abuztuan, bazkide, oporrak izan edo ez.
37 lagun inguruk jardun dute aurten TERTULIAK programan
Ekainaren 23an eman genion amaiera TERTULIAK programaren 2021-2022 ikasturteari. Urtero moduan, kultur jarduera bat izan genuen hasteko, eta lagunarteko afari-merienda, gero.
Emozioen posterra eskuragarri jarri du Atxutxiamaikak
Atxutxiamaikak eta Udal Ludotekak antolatzen dituzten jardueretan hezitzaileek umeekin emozioak lantzeko erabiltzen duten posterra eskuragarri jartzea erabaki du Elgoibarko Izarra Euskaltzaleon Topaguneak. Bertan, emozio ezberdinak irudikatzen dituzten marrazkiak agertzen dira eta albiste honetan irudi horien erabilpen posibleak aurkezten dira.
“Erdaldun berrien kluba” bakarrizketa, Tertuliak programaren ikasturteari amaiera emateko
Bakarrizketa bat izango dugu TERTULIAK programaren aurtengo ikasturteari amaiera emateko. Ekainaren 23an izango da, Aita Agirre kulturgunean.
Ongi etorri KIRIBIL!
Gaur, ekainak 3, Kiribil bueltan izango da Malako parkean 17:00etatik 19:00etara.
ERROMERIA FAMILIAN
Musika Eskolak, Udal Ludotekak eta Atxutxiamaikak, musikaren erritmoarekin bete eta alaituko dute Azkue auzoa maiatzaren 20an, barixakuan
Kiribilduz bueltan da!
Kiribilduz bueltan da eta hori ospatzeko bi ekintza desberdin egingo dira: bata maiatzaren 21ean eta bestea ekainaren 3an.
Udako oporraldiko aisialdi eskaintzan izena emateko epea astelehenean zabalduko da, apirilak 25
Udal Ludotekak eta Atxutxiamaikak haurrekin elkarlanean HH5etik hasita LH 6 (5-12 urte) bitarteko haurrei zuzenduriko programa landu dute ekainaren 27tik uztailaren 22ra arte aurrera eramango dena. Bestalde, Elgoibarko Izarra Euskaltzaleon Topagunearen Atxutxiamaikak, Udalarekin lankidetzan HH2-HH4 ko haurrentzako eskaintza ere egingo du, data berean. Izen ematea www.elgoibarkoizarra.eus webgunean, Elgoibarko Izarraren bulegoan edota Ludotekan burutu behar da. Plaza mugatuak dira.
Udako oporraldia antolatzeko parte-hartze saioak
Aste honetan, apirilaren 6tik 8 ra, parte-hartze lanketa berezi bat gauzatuko da Ludotekan, HH5 - LH6 maila arteko haurrekin batera.
Elgoibarko Udalak eta Elgoibarko Izarrak 2022ko Errenta kanpainan aitorpenak euskaraz egitera animatzen dituzte elgoibartarrak
Elgoibarko Udalak eta Elgoibarko Izarrak gonbita egiten diete elgoibartarrei, herritarren hizkuntza gaitasunak balioan jarriz, errenta aitorpena egitean eta Ogasunarekiko harreman hizkuntza zehaztean, euskara aukeratu dezaten.
Ameriketako indigenak Elgoibarko Izarran
Amerikatik etorritako sei lagun izan genituen bisitan Elgoibarko Izarran martxoaren 25ean. Mexikokoak ziren lau, maia, nahuat, yucateco eta totonakú hizkuntza-herrietakoak, eta Txilekoa eta Boliviakoa beste biak, maputxea bata eta kitxua bestea.
SotoTK udaberriko oporraldian
0-5 urte bitarteko haurrei zuzenduriko SotoTK antolatu du Atxutxiamaikak Udaberriko oporraldirako.
Udaldirako hezitzaileak behar ditugu
Elgoibarko Izarra Euskaltzaleon Topagunea elkarteak udaldiko eskaintzan lan egiteko hezitzaileak behar ditu. Apirilaren 22ra arte egongo da izena emateko aukera.
Goazen KORRIKA egitera!
Aurreko edizio guztietan egin dugun moduan, oraingoan ere KORRIKA egingo du Elgoibarko Izarrak. Errosario kalean hartuko dugu lekukoa, Gorostiza liburu-denda zegoen tokian. Goizeko 10:15ean bilduko gara bertan. Gonbidatuta zaudete bazkide guztiok Elgoibarko Izarrarekin KORRIKA egitera!
Badator Udaberri Festa!
Udaberriari hasiera emateko Atxutxiamaikak, Udalarekin lankidetzan, ekintzak antolatu ditu.
