129 bazkidek bete duzue parte-hartzeko fitxa. Eskerrik asko!
Apirilaren 16ra arteko epea jarri genuen bazkideok parte-hartzeko fitxa betetzeko, eta 129 bazkideren erantzunak jaso ditugu. Benetan gustura gaude jaso ditugun erantzunekin, eta Elgoibarko Izarra prest dago, 50 urteko jardunaren ondoren, ziklo berriari ekiteko.
Bazkideen konpromisoa eta parte-hartzea da Elgoibarko Izarrak ziklo berrirako bere buruari jarritako erronketako bat. Elgoibarko Izarrak gizarte-mugimendu izaera sustatu nahi du, eta horretarako ezinbestekoa da bazkideen konpromisoa eta parte-hartzea.
96 bazkidek erakutsi duzue, oraingoz, elkartearen dinamikan parte hartzeko borondatea.
Elkartean parte hartzeko borondatea erakutsi duzuenon artetik, 43 prest zaudete lantalde-dinamikan inplikatzeko. Gainontzeko 53ak, berriz, laguntzeko prestutasuna erakutsi duzue bazkideen beharra dagoenean. Azkenik, 33 bazkide izan zarete zuon konpromisoa, oraingoz, bazkide izatera eta kuota ordaintzera mugatuko duzuenak.
Hurrengo koadroan parte-hartzeko fitxetan jasotakoaren laburpena ikusiko dugu:
|
Fitxa bete duzue |
129 bazkidek |
|
Eremu Sinbolikoan parte hartzeko prest |
30 |
|
Zuzendaritza Batzordean parte hartzeko |
8 |
|
Idazkaritzan parte jartzeko |
10 |
|
Ekonomia sailean parte hartzeko |
6 |
|
Atxutxiamaika sailean parte hartzeko |
12 |
|
Komunikabide sailean parte hartzeko |
15 |
|
Behar denean laguntzeko prest |
53 |
|
Konpromisoa, momentuz, kuota ordaintzea |
33 |
* Bazkide batzuek lantalde edo sail baten baino gehiagotan parte hartzeko konpromisoa azaldu duzue.
Laster jarriko gara harremanetan zuokin
Bazkide bakoitzaren parte-hartzearen gaineko fitxak jaso ondoren, orain zuon borondatea eta elkartearen beharrak uztartzeko lanei ekingo diegu. Horretarako, besteak beste, laster harremanetan jarriko gara zuokin, zer eta zelan egingo dugun elkarrekin aztertu eta adosteko.
Fitxa betetzeko aukera dago oraindik
Bazkideren batek ez badu parte-hartzeko fitxa bete, arrazoia edozein dela ere, eta betetzeko gogoa edo borondatea badauka, oraindik ere aukera daukazue: parte-hartzeko fitxa.
