RSS jarioaAlbisteak
Gaur oporrak hartuko ditugu!
Gaur, abenduak 20, oporrak hartuko ditugu urtarrilaren 7ra arte. Atsedena hartuko dugu 2025ean gure onena emateko, zeregin asko eta garrantzitsuak dauzkagu eta.
Salgai dauzkagu Elgoibarko Izarraren aurtengo bertso-jaialdirako sarrerak
Abenduaren 26an, osteguna, izango da bertso-jaialdia, eta sarreren aurre-salmenta Elgoibarko Izarraren bulegoan izango da, abenduaren 9tik 20ra.
Lau eguneko programa, Euskararen Nazioarteko Eguna ospatzeko!
Euskararekin gozatu eta euskal kontzientzia sustatzeko zazpi jarduera edo ekintza antolatu ditugu Elgoibarren Euskararen Nazioarteko Eguna ospatzeko.
Abenduaren 24a prestatzen gabiltza, lagunduko diguzu?
Olentzero eta Mari Domingiren etorrera ospatuko dugu abenduaren 24an, eta, horrez gain, talo-postua eta tonbola ere izango ditugu Kalegoen plazan. Gure atari digitalean egunaren bueltan antolatutako egitaraua duzue, eta, besteak beste, kalejiran abestu eta dantzatuko ditugun kantu eta dantzak, talo ikastaroan izena emateko aukera eta abar luze bat aurkituko dituzue. Zure laguntza ere eskatuko dizugu eta, nahi baduzu, webgunean topatuko duzu izena emateko galdetegia.
Zabalik dago Atxutxiamaikaren neguko oporraldian izena emateko aukera
Atxutxiamaikaren neguko eskaintza prest dugu, jada: HH2-LH6 bitarteko umeentzako zuzendua izango da; abenduaren 23tik urtarrilaren 3ra.
Elgoibarko turra historikoa antolatu dugu azaroaren 30erako
Elgoibarko gatzeen artean euskalduntasuna sustatzea helburu duen ZZ NagiaKastintzen taldeak azaroaren 30erako Elgoibarko turra historikoa izeneko egitaraua antolatu du.
Egin TTap! online lehiaketaren bigarren edizioan izena emateko epea zabalik dago
Atxutxiamaika Sailak, Aretxabaletako Loratu elkarteak eta Kukulaisi Aisialdirako Topaguneak elkarlanean, online jokatzeko Egin Ttap! lehiaketa antolatu dugu bigarren urtez. Azaroaren 22tik 28ra iraungo du, eta gai desberdinei buruzko zazpi galdera erantzun beharko dira, taldeka.
Zuberoako ikastolen aldeko saskiak erosteko aukera!
Urtero moduan, Elgoibarko Izarra Euskaltzaleon Topaguneak Zuberoko ikastolei laguntzeko aukera eskaini nahi die elgoibartarrei.
ANARIren kontzertua izango dugu abenduaren 3an, Euskararen Nazioarteko Egunean
Herriko Antzokian izango da kontzertua, arratsaldeko 19:00etan hasita, eta sarrerak dagoeneko salgai daude. Kontzertuaren atarian euskarari lotutako poesia irakurraldia izango da, musikarekin lagunduta.
Hazi bilketa eta mikologia irteera
Morkaiko Mendizale Elkarteak, Elgoibarko Izarraren Atxutxiamaikak eta Elgoibarko Baso Biziak elkarteak garatzen dugun "Gure natura ezagutzen" programak, Karakate Mikologia Elkartearekin, Elgoibar Ikastolarekin eta Elgoibarko Herri Eskolarekin elkarlanean, urriaren 27rako "hazi bilketa eta mikologia irteera" antolatu dugu. Ibilbidean zehar Aranzadi mikologia taldeko Unai Fernandes izango dugu gida lanetan.
Aldenik Alden programaren urriko eskaintzan izena emateko epea zabalik dago
Urriaren 20an hasiko du ikasturtea LH5-6koentzako diseinatutako Aldenik Alden programak.
Gaba Beltza aurrera eramateko zure laguntza behar dugu
Inazio Bereziartua musika eta dantza eskolak, Udal Ludotekak eta Atxutxiamaikak antolatuko dugun Gaba Beltza aurrera eramateko zure laguntza behar dugu. Egur Arte Tailerraren, Atabal elkartearen eta Uluka Batukaren kolaborazioa ere izango dugu.
Urriaren 11n beteko da TERTULIAK programan izena emateko epea
Euskaraz berba egiteko erraztasuna lortu nahi dutenei zuzendutako programa da Tertuliak, eta urriaren 11ra arte egongo da zabalik 2024-2025 ikasturtean izena emateko epea.
“Agosti Xaho: Lehen karlistaldiaren kontaketa”
Ostegun honetan, irailak 26, izango da karlistaldiei eskainitako hirugarren eta azken hitzaldia. Xabier Zabaltzak emango dio amaiera aurtengo historia zikloari.
Irailean ere gozatu Atxutxirekin!
Gaurtik uztailaren 21era arte eman daiteke izena iraileko txokoetan.
Ekigain ospatuko dugu ekainaren 21ean, euria dela-eta, bolatokian izango da
Eguzkiak; ekiak, gaina hartzen duen hilabetea da ekaina eta udarari ongi-etorria emateko jaia ospatzen dugu udako solstizioa ematen den egunean; ekainaren 21ean, hain zuzen ere. Aurtengoan ere musika entzun eta dantza egiteko aukera izango dugu suaren bueltan, eguraldiak laguntzen badu, Sallobente auzoko zelaian.
“Magia Tertulia!”, TERTULIAK programaren ikasturteari amaiera emateko
Ekainaren 20an emango diogu amaiera aurtengo TERTULIAK programaren ikasturteari. Kultur Etxeko sotoan izango da, arratsaldeko 19:00etan hasita, eta Niala magoa izango da aurtengo gonbidatua.
Martxan da Sanbartolomeetako Umeen eta Nerabeen eguneko ekintzetan izena emateko aukera
Elgoibarko Udalak antolatu eta Atxutxiamaikak kudeatzen dituen Umeen Eguneko eta Nerabeen eta Gazteen eguneko ekintzetan zein parte hartze izango den jakiteko galdetegiak zabaldu ziren joan zen ostiralean.
Atzo egin genuen Bazkideen Batzar Orokorra
Dozena bat bazkide bildu ginen 2023an egindakoa ikusi eta 2024an egiten dihardugunaren gaineko azalpenak entzuteko.
Sanbartolomeetako Umeen eta Nerabeen eguneko kamiseten irudiaren lehiaketa
Aurtengoan ere Umeen eta Nerabeen Eguneko zenbait ekintza kudeatuko ditu Atxutxiamaikak, Udalaren eskariz. Horien artean, estreinakoz antolatu dugun Umeen eta Nerabeen Eguneko kamiseten irudi lehiaketa. Parte harztaileek ekainaren 7ra arte izango dute lanak entregatzeko aukera eta Egur Arte Tailerraren laguntza izango dugu lanen aukeraketa egiteko.
